Tuesday, August 4, 2009

عن علبة ميريت أصفر


سيساهم الاعلام في ترسيخ صورة محمودة لكل من يتدلي من فمه سيجارة .. هو الذي يتقزز من تأثير الاعلام السئ .. وقع في الشرك .. ثلثي القادة و العظماء في الأفلام و المسلسلات ينفخون دخاناً في حالة من التركيز و الالهام مقنعان .. سيرتاد المقهي الذي يحب رواده و العاملين به ليجد الجميع ينفخون دخاناً في يسر و لذة .. سيتعرف على صحبة فيهم شاربي السجائر و شاربي الشيشة و شاربي الحشيش .. سيتعجب من السلام النفسي الذي يتبدي منهم .. ستغلب عليه تربيته المتحفظة على الولوج في عالم الحشيش .. إلى حين .. سيعجبه مشهد النافخين الدخان الذي يراه كل يوم في كل مكان .. سيغريه ما يراه .. سيشعل أول سيجارة في ذات المقهي متأهباً .. السيجارة حسب وصية الناصحون لايت .. سيشد نفساً و يزفره .. أول الأمر شعر برأسه يدور بعنف .. و لكنه استمتع .. سينهي علبة اللايت التي سيتبعها بعلب أخري .. حتي يضيق بهذا الصنف غير المؤثر .. سيرقي الي أنواع أخري كلها تؤثر على رأسه بهذا الدوران الطاغي الفريد .. سيحاول بكل ما أوتي من حيلة اخفاء الأمر عن والديه .. سيحافظ على مسافة محددة يخاطب بها والديه .. كما سيحافظ على علكة النعناع القوية في جيبه ليمتصها قبل دخوله منزله .. سيفلح أول الأمر .. حتي يصطدم بعدم كمال أي جريمة .. سيفتضح أمره .. و سيدافع عن حقه في التدخين في مواجهة سيل السخط الذي يند من كل بالغ في عائلته .. سيعتاد السجائر .. سيصبح أمر روتيني أن يعرج على كشك ليشتري علية سجائر .. أول الأمر سيشعل سجائره بمشط كبريت (خمسة صاغ ) ثم سيعبر على مرحلة انتقالية أخري ( علبة كبريت بعشرة قروش) قبل أن يشعر أنه يهين عادته السحرية و يعتاد على الولاعات .. سيحسم أمره في اختيار ولاعته المفضلة .. فهناك الطويلة و القصيرة .. المرسوم عليه و الملئ بالنقوش و الذي يسوده لون واحد .. الماركات ( تصل الولاعة الي مائتي جنيه ) و المتواضعات ( جنيه للواحدة ) .. ذات الشعلة النارية أو ذات السخان .. سيستاء والداه من تطور الأمر و سيزداد هو حباً في السجائر .. سيشكو بعد عدة أشهر من استهلاكه لأكثر من علبة في اليوم .. ثم عندما تصقل خبرته بأتواع التبغ سيشكو من رداءة أنواع و سيمدح في جودة أخري .. سيصير الأمر من المسلمات .. سيجارة الاصطباحة .. سيجارة يحبس بها بعد الأكل .. سيجارة التوتر .. سيجارة التركيز .. سيجارة قتل الوقت .. سيطرق عالماً جديداً بعد مرور أشهر .. سيطلب شيشة معسل .. سيجتاحه قرف شديد .. سيستبدلها بشيشة فواكه .. سيبدأ بالتفاح .. ثم يجرب كل نوع يتيسر له فرصة تجربته .. ستنضم الشيشة إلى مفردات حياته .. المساء لن يتميز بالترفيه الا في كنف شيشة و دخان كثيف يتصاعد من حوله .. و لن يشعر بالسوء .. فالكل حوله ينفث نفس الدخان الكثيف .. باختلاف النكهات .. سيمر عام .. قبل أن يلقي السلام على من في المقهي ستكون الشيشة قد هبطت الي جانب مقعده .. و الذي يرص الولعة لها سيكون أحد الأشخاص المحببين لقلبه فلا غضاضة اذا من تناوله سيجارة بين الحين و الآخر منه .. سيلتف حول مجلس تتصاعد منه أدخنة كثيفة .. عندما يعود الي منزله ستكون الرائحة غير قابلة للتخفي .. سيقرعه أبويه .. سيستخدم نظرية أذن من طين و أخري من عجين .. ثم سرعان ما سيضيف سيجارة "للعلاقة المتوترة بيني و بين والدي" ! ستتغير النظرة له من قبل العائلة قاطبة .. سيتطوع الجميع باسداء النصائح .. سيتمسك أكثر بنظرية أذن من طين .. و سيتهم الجميع داخله بأنهم في نعيم بالمقارنة بما يعانيه و يستدعي التدخين .. سيستعين بخبرة من سبقوه في صراع حرية التدخين .. سيضحكون من التصرفات المتشابهة .. سيؤازرون بعضهم البعض ثم سينهوا جلستهم التشجيعية باشعال المزيد من السجائر .. مع مرور الوقت سيتجرد من الحياء و سيشرب في منزله متحرياً دقة أوقات تدخينه .. سيقسم والداه أنهم يشمون رائحة سجائر تفوح من حجرته .. سيكذب ملء فمه .. سيتصل بأصدقاءه المدخنين ليشاركهم انتصاره .. بعد عام آخر .. سيطرق عالم الحشيش و المخدرات .. سيتذوق من كل نبتة أنفاساً .. سيعيش في حالات من الخدر الجسدي السحري .. ولكنه سيعرض عن هذا كله لعدم ارتياحه الي هذا الجو و هؤلاء الرفقاء .. و ذات يوم و هو يغسل أسنانه سيلاحظ اصفراراً ملحوظاً .. سيتجاهله أول الأمر و سيرجع سببه أول الأمر الي اهماله العناية بهم .. ستمر عينيه صدفة على أسنان أصدقاءه .. غالبيتهم صفراء بدرجة مخيفة .. سيسأل .. سيأتيه الجواب متعجباً .. سيتلقي نصائح جيدة حول التخلص من هذه الصبغة المقيتة .. سيزن الجهد المتطلب في كفة و يضع التدخين في كفة .. ستسقط كفة التدخين .. مع مرور الأيام سيشعر بقبضة قوية تهوي فوق صدره .. سيسأل عن السبب .. و سيدهش .. ستنتابه موجات من السعال المتقطع طيلة اليوم المصحوبة بكميات من البلغم و سعال متواصل طيلة الليل مصحوب بسكاكين تفتك بمعدته .. سيسأل أصدقاءه .. سيجيبون بنفس الاجابة .. سيدهش من تلقائيتهم .. سيشعر مع كل وجبة يتناولها أن حلقه اكتسب طعم نحاسي .. سيفقد مع الوقت شهيته .. ستتحول كل اجراءات اليوم الي قيود يجب التحرر منها باللجوء الي سيجارة و حجر شيشة .. سينزلق الي المعسل لأن مفعوله أقوي .. سيتحري المقاهي الأكثر شعبية حيث المعسل أكثر مفعولاً .. سيتفصد عرقه أكثر .. ستزداد تلبيته لنداء الطبيعة .. سيزن كل هذا في كفة مقابل التدخين .. حاول أن ينظر الي المدي البعيد بعدما اسقط عليه احتمال موته المؤكد .. أيتمسك بهذه العادة ليضر بها زوجته غاليته .. و لينجب أطفالاً يتذرعون به و يلجون عالم الدخان .. سينظر للأمر بوجهة جديدة .. أليس له مرجعية دينية .. ألا يتنافي التدخين مع مرجعيته الحنيفة .. ألا تكفيه ركعتين في جوف الليل لازالة الهموم من صدره .. سيقلع عن الشيشة أول الأمر.. سيتلقي وابل من السخرية حين يري حاملاً سيجارة نابذاً الشيشة .. كما سيتلقي سيل من التريقة عندما يخال اليهم أنه يوعظهم .. ستخف حدة الأعراض المهلكة التي باتت جزء ثابت من حياته .. سيقلع عن السجائر بعد محاولات انقاص فاشلة .. سيبت في الأمر ذات لحظة و لن يعود اليها أبداً و سيواظب على ركعتي الليل بعدما لمس تأييد العلي القدير .. مع مرور الوقت ستختفي كل الأعراض المهلكة .. سيتهلل عندما ينجح في التنفس بلا اصدار ضجيج .. سيتحسس صدره في سعادة غامرة عندما تزول السكاكين المتربصة .. مع مرور الوقت سينسي مما كان يعاني و مما شفي .. و لكنه سيرفض خوض التجربة من جديد .. سيرتاد نفس المقهي و سيجالس نفس الأصدقاء و فمه لا ينفث دخاناً و كفه لا يحمل ما هو متداول .. سيبهر الأصدقاء من ارادته .. و سيبهر هو من تكيفهم مع الأعراض المهلكة .. سيحار طيلة عمره في مبدأ الخير و الشر .. و سيتصدع رأسه من التفكير في التدابير الربانية .. و لكنه سيحيا حياة طيبة بركعتين .. سيفخر فيها بهزيمة الدخان و ابادته من حياته ..

13 comments:

Pozzetto said...

ماذا يمكن أن أكتب هنا؟ لا افهم شيئا.

¿Qué puedo escribir acá? Yo no entiendo nada.

What can I write here? I do not understand anything.

Que puis-je écrire ici? Je ne comprends pas tout.

Was kann ich hier schreiben? Ich verstehe nicht alles.

SANDRO AMANCIO DEL SOL
SURAMÉRICA

Anonymous said...

اناالدكتور محمد احمدمن تاني بص يابني انا كنت معاهد نفسي ان انا ماادخلش المدونه بتاعتك دي تاني لاكتر من سبب لكن اهمهم ان انت مش مبدع انت مقلد ومع ان التقليد مش عيب لكن تقليدك من النوع الماسخ مفيهوش اي نوع من انواع الابداع
كمان انا كنت قريت الرد اللي انت كتبته ولقيتك بتسال عن مصدري في معرفه الغيب وانا اري في هذا الرد نوع من الاستخفاف ارفض الرد عليه لانه ببساطه جي من انسان زائف مش شايف حقيقته اللي واضحه من كتاباته
يا بني انت تنفع بس تكون تابع انت مش صاحب فكر
عارف زي ايه زي لاعيبه الكوره انت ما تنفعش غير انك تلعب مدافع خيالك محدود وابداعك بسيط ودايما محتاج حد يبدعلك
كمان انا شايف في كتاباتك غرور او اقتناع شديد جدا بالذات وده برضه مش عيب لكن العيب ان الاقتناع ده يخليك تقرفنا بالقرف اللي انت بتسميه اعمال ادبيه
اخيرا نصيحه في رايي الشخصي انت لازم تشكر كل اللي الهموك وتكتب لهم خطاب شكر هنا في المدونه وهذا الخطاب يكون حفل وداع واغلاق للمدونه
بالنسبه للاستاذه غاده اللي ردت علي كلامي صدقيني انا مش قصدي اهدمه لكن كل قصدي انه يركز بس في شغله لانه مش موهوب وربنا يستر ويكون بيفهم في شغله وانا والله لو لاقي منه امل ولو 1% كنت علي اقل تقدير هسيبه ربنا يوفقكم جميعا

مصطفى محمد said...

الدكتور محمد أحمد

مرحبا بيك من تاني

اولا: اتمني ان اعرف الاسباب كلها اذا اتيح لك الوقت

ثانيا: يا سيدي الفاضل مين قالك اني مبدع؟ .. لماذا تنكر شئ لم أدعيه أصلا؟

ثالثا: ان كنت شايف اني مقلد .. فأرجو ان تذكر لي من أقلد

رابعا: لو كان تقليدي ماسخ فهذا رأيك و هو على راسي من فوق .. لكن برضه مين قال ان انا مقلد مبدع ؟ لماذا تنكر شئ برضه لم أدعيه؟

خامسا: ياااااه .. لو فعلا قريت الرد اللي انا كاتبه كله يبقي جزاك الله خير

سادسا: يا سيدي ما تردش على موضوع الغيب ده .. حقك

سابعا: انسان زائف، مش شايف حقيقته، أكرر .. كيف تحكم على شخص لم تراه و لم تري منه سوي كتابة (ده لو فعلا قريت) و حتي الكتابة دي مش بخط ايده .. كيف تحكم بأنه زائف و مش شايف حقيقته؟ اديني معيار واحد ملموس ؟ اقنعني يا أخي

ثامنا: انت مش صاحب فكر انت تابع .. أكرر برضه .. تحديدا كم قرأت مما كتبت لتحكم؟

تاسعا: اعذرني .. المثال ده غريب .. كرة القدم لعبة جماعية و ما ينفعش حد يكون مش موجود .. الكتابة لعبة فردية زي التنس كده .. هو لعيب واحد و شكرا

عاشرا: خيالك محدود .. مازلت اطلب منك أسباب و ايضاح

حداشرا: ابداعك بسيط .. و بعدين بقه .. اللي بكتبه ده ابداع ولا مش ابداع .. شوية تنكر و شوية تقول بسيط .. ايه؟

اتناشرا: دايما محتاج حد يبدعلك؟ .. ده بالذات استشفتها من اييييه؟ غريبة أوي الجملة دي

تلاتاشرا: انا شايف في كتاباتك .. حضرتك قريت ايييييييييه؟

اربعتاشرا: بالنسبة لتقرفنا .. أعتقد ان المتضرر ممكن ميجيش تاني .. و أعتقد ان حضرتك الوحيد اللي متضايق في حد علمي و مع ذلك بتتكلم بصيغة احنا

خمستاشرا: برضه حضرتك جبت منين ان انا سميت حاجة أعمال أدبية

ستاشرا: والله حلوة فكرة خطاب الشكر .. أوعدك يوم ما أغلق المدونة بارادتي حاعمل الحوار ده

سبعتاشرا: بالنسبة لردك على غادة .. محتاج دعاءك فعلا .. الشغل طلع عالم تاني

تمنتاشرا: انتظر ردك لو قريت هذا التعليق .. و آسف على الاطالة

ربنا يوفق حضرتك برضه
سلام

:)

Ghada said...

1- Gamda mooooooooooot el modawena ya Mostafa :) 7a2e2y wasfak dakek we ra2e3
Bas ya tara enta garabet wala da men kotr mo3ashre el 2om ;)

2- Ana 3agabny radak 2we 3ala dr. Mohamed Amed we mish la2ia 7aga tany momken tet2al, bas ana 3andy raga2 so3'aier:

2-1 Estamer fe tanfez 3ahdak ennak matod7'olish el medawena tany de lel nas el hawia mish lel drs. 2w el odaba2 elly zai 7adretak we da belnesba lel nakd el hadem elly 7adretak motawaleh.

2-2 Ama fe 7alet el nakd el bana2 ana leia raga2 3and 7adretak yaret tekser el 3ahd 3alashan nastafed men el 7'ebra el tawela beta3et 7adretak.

3- Ana asfa ya Mostafa law kont radet fe 7aga te7'osak bas enta 3arefny ana ba7eb a3aber 3an ra2iey :D 7'sosan fel 7agat elly 3agbany.

Estamer we yaret tezabet 7aga 3alashan Ramadan

Asfa law kont tawelt

Anonymous said...

انا الدكتور محمد احمد
بص يابني انت معندكش اي خبره حياتيه قادر تظهرها في كتاباتك من غلاخر شخصيتك الادبيه اللي انت بتجاهد علشان تظهرها هيه اساسا مش موجوده فبالتالي انا مش بستفيد حاجه من كتاباتك واي حد تاني مهتم مجرد اهتمام مخلص بالادب هيشعر ان انت مجرد مسخ ادبي
لكن فعلا اللي محيرني هوه قدرتك علي اقناع نفسك بحاجات واضح انها مش فيك
انت من نوع الشباب الجديد اللي عندهم اعتراضات وسخط علي البلد وعلي الاوضاع في حياتهم بشكل عام فبيحاولوا يقنعوا نفسيهم ان الادب ممكن يكون حاجه ينفسوا بيهم عن اللي جواهم والحقيقه انا مش شايف في معظمكم اي مواهب تعبر لا عن اللي جواكم ولا عن حال البلد
اخيرا والنبي وحياه والدك وخليها في عبك بلاش الاستظراف بتاعك ومحاولتك للاستخفاف في كلامك لان انت لاهتكون كاتب ساخر ولا كاتب من اساسه فحرصا علي ضغط القراء بلاش استظراف
واخيرا اتمني لك مستقبل هندسي بعيدا الادب والادباء

مصطفى محمد said...

ghada

wallahy minawara el blog

1- al 7amdo lillah inaha 3agabetek .. showaya tagroba we showaya mo3ashra

2- wallahy ma tawaqa3t ino yeegy taany .. bas wallahy ana ba7eb arod 3aleeh .. yareet yeegy 3alatool

2-1- le7ad delwa2ty ana mosh 3aref howa gi hena ezay asasan

2-2- wallahy el 3azeem nifsy yena2shny kida we ye2olly asbaab we tawdee7

3- ana 3aref .. 3abary 3an ra2yak zay manty 3awza

4- this is a good idea .. ta7t el tanfeez

5- tawelly zay manty 3ayza

ramadaan kareem
:)

مصطفى محمد said...

دكتور محمد أحمد

تعليقين على تدوينة واحدة .. والله ده كتير على من شخص عالي المقام الأكاديمي زي حضرتك

أولا: اشكرك على انك اخيرا اديتني اسباب

ثانيا: اعتقد ان كل واحد فينا عنده خبرة حياتية في حتة ما .. ربما تكون هزيلة فلا تكون حكاية جيدة


ثالثا: الكتابة نوعان في مباشر و أدب .. المباشر كالمقال .. و مطلوب ان يحتوي على موضوع ما و نقاط معينة تصل للقارئ .. اذا كنت قد حاولت ان اكتب مثل هذه الطريقة في البلوج و فشلت في توضيح نقاطي فهذا عيب في اسلوبي اشكرك على لفت نظري اليه .. و للاستفادة الاكبر يا ريت تقولي فين أنهي تدوينة فشلت فيها في الحتة دي .. أما الأدب فانه كتابة من نوع آخر .. مش الهدف منه الاستفادة .. و خاصة القصة القصيرة التي أتمني أن أجيدها .. القصة القصيرة التي أنشد الوصول اليها هي قطعة من الكتابة لها نسيج و وحدة تكوين و لغة مكثفة و حالة فريدة .. زي الأغنية اللي بتتكلم عن الحب .. مفيش فيها دروس مستفادة بس فيها حالة معينة و فريدة نتيجة تآمر اللحن مع الصوت مع الكلمات .. و أتمني ان اكون بقرب من القصة

رابعا: حتة مسخ أدبي .. برضه يا ريت تقنعني

خامسا: قدرتي على اقناع نفسي بحاجات مش موجودة فيا .. اولا: زي ايه .. فين حضرتك حسيت اني بحاول اقنع نفسي بحاجة مش في؟

سادسا: هذا رأيكم و رغم اختلافي الشديد معه الا انه على راسي من فوق

سابعا: بالنسبة لمش هتكون دي .. برضه ايه مصادركم الغيبية؟

ثامنا: أشكرك على أمنيتك .. و ليستجب الله لكل منا بما يريد

كل رمضان و حضرتك طيب
:)

mado80 said...

مصطفي محمد
الاول كل سنه وانت طيب بمناسبه شهر رمضان المعظم

ثانيا ومن غير مقدمات انا دمي بيغلي علي الاخر من حضره الدكتور المحترم المبجل ده ان كان دكتور اساسا اللي اسمه محمد احمد

ده انت لو جوز امه مش هيتكلم معاك بالطريقه دي وايه الاسلوب الحماري اللي بيتكلم بيه ده

اعذرني يا مصطفي بس ان كان ادبك وذوقك بيخلوك ترد عليه بكل ادب واحترام وهو مع ذلك برضه مش عاجبه فمعناه انه حد قليل الادب لازم ياخد فوق دماغه

وكمان يا حضره الدكتور ده لو كنت دكتور اساسا وشكلك هتطلع دكتور حمير لو مش عاجبك البلوج ما تتدخلوش اساسا ووفر علي نفسك كتابه تعليق ووفر علي مصطفي الرد عليك ايه الهبل اللي انت فيه ده

وكمان ايه اللي يخليك تحكم علي واحد كده انه معندوش خبره حياتيه وانه مش موهوب هو سيادتك دكتور في ايه بالظبط

وكمان ايه المشكله في الشباب الجديد الساخط علي اوضاع البلد وبيحاول يطلع ده في شكل ادبي

ايه كل الحقد اللي مالي تعليقك ده
الحقد ده واسلوبك في الكلام مالوش غير معني واحد

انك لامؤاخذه دكتور حمار

معلش يا مصطفي انا اسف علي اسلوب الرد علي واحد وجهلك تعليق بس مش قادر اشوف حد بيتكلم علي صديق ليا كده واسكت ورجائي ليك ان ادبك وزوقك ما يخلكش تمسح التعليق بتاعي

بس حاجه تقرف بجد

تحياتي ليك يا مصطفي وهاكتبلك تعليق تاني علي البوست الجاااااامد ده

mado80 said...

مصطفي محمد

صديقي

ارجو معذرتي علي التعليق السابق بس مش عارف هو ده الرد المناسب لشخص غير مناسب

ثانيا البوست تحفه وصحيح زي ما ذكرت مشكله التدخين انه بيبدأ بالاعجاب سواء بنجوم الافلام الذين يتباهون دوما بالسيجاره في افواههم
او الاعجاب باحد من الاقرباء مثلا

ثم تتوالي المأساه كما ذكرت بالضبط
بس صدقني يا مصطفي متعه الاقلاع عن التدخين لا تضاهيها متعه واسالني انا لأني مقلع مستجد عن التدخين وربنا يستر وما يحصليش انتكاسه ترجعني ليه بشكل ابشع من الاول

مصطفي لدي قناعه تكاد تصل الي الايمان انك موهوب بشكل غير عادي وارجو من الله ان يوفقك لاثبات ذلك وان تصل شهرتك عنان السماء

كل عام وانت بخير يا مصطفي ورمضان كريم

Ghada said...

7a2e2y ya Mostafa enta ensan raky we mo2adab gdn gdn gdn, we radak kolo zo2 we 2dab, we bardo mish ha3raf 2rod ba3deh :D, we ta7eiaty lsadekak "Mado80" la2eno 2al kol elly fe nefsy ta2rebn :D

Ana beyethaia2ly eno wa7ed 3ando e7bat 2w ekte2ab men 7aga mo3aiana we bei7awel yefarag 3an nafso beltare2a de

Estamer we fokak men 2i 7ad ye7awel yenkodak bel tare2a de :S

We mestaneyeen medawenet Ramadan :D

Salam

مصطفى محمد said...

mado
صديقي العزيز

أولا: و انت اكتر من طيب يا باشا .. و ألف حمدالله على السلامة للتدوين .. ايه الغيبة دي .. و لا بوستات عندك و لا تعليق عندي .. وحشتني والله

ثانيا: الحياة علمتني ان كل واحد بيقع في طريقي له لزمة .. عندده حاجة لازم أستفيد منها والا ما كنش ظهر في أفق حياتي .. و ان كان الشخص عنده عيوب فمهمتي اني ازيح العيوب بالحسني لحد ما اوصل للاستفادة .. و اني ما انشغلش في الرد على الاساءة بالاساءة لأن كده ضاع الهدف و دخلنا في دوامة اساءة مش حتخلص .. وان ماطلعش وراه استفادة و كل همه اساءة فاديني كسبت ثواب الرد بالحسني .. وانا نفسي فعلا استفيد من الراجل ده .. بس على الله ما يطلعش واحد بيسرح بيا

ثالثا: يا ريس اعتبر المدونة مدونتك واعمل و علق زي ما انت عايز

رابعا: والله العظيم يا مادو انا معرفش هو وصل هنا ازاي اساسا .. ما انت عارف ان انا مش معروف خالص ولا مدونتي معروفة في الوسط التدويني .. اموت و اعرف وصل هنا بالذات ازاي .. بس ان جيت للحق النقد حتي لو كان بالشكل العجيب ده مفيد .. بيكسر الغرور برضه

خامسا: الراجل الحقيقة مغرم بالاحكام .. كل تعليق يطلق فيه حكم عجيب .. بس نفسي يديني تفسير لكده .. محسسني انه قاعد على بلورة سحرية من بتوع ميكي و بطوط و شايف المستقبل و المستخبي

سادسا: الدكتور اللي هو اذا كان دكتور مزعله الشباب الجديد الساخط و شايف ان تنفيسه كمان مش معبر .. رأيه كده .. طب يا سيدي ادينا بديل

سابعا: يا باشا انت تعليقك ده مش ممكن امسحه .. المدونة مدونتك .. قول اللي انت عايزه .. و والله انا فرحان بيه جدا و لي الفخر بموقفك معايا

ثامنا: التدخين عيبه زي اي معصية تانية .. عيبه ان الناس مش بتستحي من الجهر بيه .. فصار التدخين عادة .. التلفزيون فيه تدخين .. تركب تاكسي او اي مواصلة تلاقي تدخين .. تمشي في الشارع تلاقي تدخين .. طالما الموضوع عادي فالدخول فيه سهل .. أدعو الله ان يجعل قلوبنا تعظم المعصية و الخشية منها حتي لو كان عند الناس عادي

تاسعا: يا سيدي يا سيدي .. مبروك يا باشا .. و بعون الله وحده مفيش انتكاسات

عاشرا: والله ما في رد على كلامك الجميل ده .. و يا رب يوفقك و يوفقني لكل خير آمين

كل سنة وانت بألف خير
:)

مصطفى محمد said...

ghada

1- wallahy motab3etek lel blog mifara7any gidan .. shokran gdn gdn li 2htimamek

2- mado da da blogger raheeb asasan .. sadeeq tadweeny 3azeez 3alaya gdn .. el ragel mashkooran biytabe3ny we beye2raly we di 7aga tsharafny gdn .. 2ns7ek te2reelo .. kitabto gamda

3- ana kont shayef inno mo7bat bardo .. laken el ta3leeq bta3o biytkarar we nafs el 7ala .. mosh momkin yekoon mo7bt tool el fatra di .. akeed howa 3ayez yewasal 7aga .. inno howa bas el fazee3 mathalan ..

4- ana mostamer isa .. ma3andeesh 7al taany

5- ana fe3lan mi7taag akteb 7aga 3an ramadan .. wait n c

shokran gdn 3ala el ehtimaam
we ramadaan kareem
:)

Anonymous said...

شكرا جزيلا لكتابة هذا ، كان من المفيد unbelieveably وقال لي للطن