Friday, March 5, 2010

قالوا


و اخوض .. نعم سوف اخوض في البحر الكبير .. لا اجيد السباحة .. الا انني اعشق المخاطرة و التمرد .. لا اريد اي شئ سوي قليل من الحزن .. و كثير من الكلمات .. انني احب الكلمات جدا .. لها مذاق رائع .. ما ان تقع عيوني على السطور حتي اشعر بفرحة شديدة .. و عندما يمر القلم فوق الورقة .. و اجتاز سطراً .. اشعر بالفخر .. ليس كل الناس مثلي .. اشعر بذلك

*

محمد حسين بكر

4 comments:

mado80 said...

كلمات جميله
:)

سؤال محرج

عرفني اكتر عن قائلها

الجهل خيبه يا مصطفي
:)

تحياتي

مصطفى محمد said...

مش كده؟
فعلا يا اخي الادباء دول ناس تانية خالص
:)

شوف يا عم .. محمد حسين بكر ده كاتب من جيل الشباب الصاعد زي محمد صلاح العزب و طارق امام و الناس دي .. لكن التوفيق لم يحالفه في النشر و الانتشار .. انما كان له وجود على الساحة الأدبية في الفترة الأخيرة كأديب جديد .. من حوالي سنتين اعتقد مسكه مرض مش ولا بد .. و هاجت الدنيا و ازاي الاديب بقي في البلد يتساب للمرمطة و من غير رعاية صحية .. و هو كان متجوز كاتبة جديدة برضه .. و في تقديري ان مرض موته لعب دور كبير في انتشاره .. انا شخصيا عرفته لما الصحف المهتمة بالادب ابتدت تجيب سيرته بزيادة في ايامه الاخيرة .. المهم الراجل توفاه الله .. و طبعا احنا كمصريين بنتهبل على الميتين و تلاقي الاهتمام طلع في العلالي .. فبدأ النشر يلتفت ليه و اعتقد طلب من زوجته نصوص ليه .. و تم نشر بعض مما كتب فيما بعد رحيله .. و كنت يا سيدي مرة بقرا اخبار الادب فصادفت مرور السنة الفلانية على وفاته فنشروا له شوية نصوص .. فكعادتي فريت بعيني الدنيا لقيت المقتطف شدني .. و على هذا الاساس اقتبسته ها هنا .. شوية كلام جامد والله .. الله يرحمه و يرحم امواتنا كلهم

آدي القصة
:)

Anonymous said...

allah yr7amoh

--------------------
dodda

ezayak enta we mado????

مصطفى محمد said...

dodda

والله زمان
فينك .. نورتي البلوج كعادتك دائما
اعتذر عن تقصيري معكي
مادو الحمد لله خرج من موود مش لذيذ اطمني عليه اكتر عنده
لا تحرمينا من تعليقاتك

:)