Thursday, July 8, 2010

عن فريق البرازيل


لقد خرج فريق البرازيل من منافسات كأس العالم

*

لقد كانت صدمة .. لقد كان خبر سئ .. قضي على جدولي الجديد الذي خصص ثلاث ساعات لكل مباراة تلعبها البرازيل .. أنا لست من عشاق متابعة الدوري ولا كاس مصر .. أنا أي نعم زملكاوي .. انما لست مغرم بالمشاهدة الدقيقة و الاهتمام الزائد بكرة القدم بصفة عامة .. أما فريق البرازيل .. فله شأن آخر تماما معي

فريق البرازيل لا يلعب كرة قدم .. و لكنه يقدم عرضا راقصا من الفن الكروي العالي .. ربما كان هذا سر افتتاني بهذا الفريق .. الي درجة أن الزي الأصفر الغامق و الشورت الأزرق يضفي علي راحة نفسية غريبة .. و عندما أشجعهم و أنا أشاهد مباراة لهم أجدني متحمس متعصب أهتز على المقعد و أنفعل و أفقد تركيزي فيمن حولي كلما بدأت لهم هجمة و تفلت مني آهة احباط عندما تطير خارج الملعب و أصفق بيدي في قوة عندما يحرزوا هدفا .. و أستاء بشدة اذا أصيب أحدهم أو وقع و أسخط بشدة على لاعب الفريق الآخر الذي تسبب في وقوع اللاعب البرازيلي

فريق البرازيل كان يحمل أسماء ألمع و أشهر و أمهر اللاعبين على مستوي العالم .. أتابعهم منذ كأس العالم عام 1994 .. مرت أسماء كثيرة منذ هذا الوقت .. لا أنسي أبدا الماهر المنسي ريفالدو الذي لم يأخذ حقه من الشهرة كباقي أعضاء الفريق .. أذكر بيبيتو اللاعب القصير النحيف .. أذكر دينيلسون أكثر اللاعبين مهارة و أنانية .. أذكر الظاهرة رونالدو أول من بادر و حبب للعالم الدماغ القرعاء و لمساته التي تأتي بعد طول انتظار و مدي جمالها .. أذكر كافو لاعب خط الوسط أو الدفاع لم أعد أذكر الذي كان لديه وجه صارم و أداء مهاري جاد .. أذكر كذلك مباراة فرنسا و البرازيل في نهائي كأس العالم 98 فيما أظن .. و بتسديدة فرنسية قتلت تتويج البرازيل بطلة و كم عانيت شخصيا من خسارتهم

فريق البرازيل أيضا أكثر من حفنة لاعبين فنانين .. انهم سجل حافل بالانجازات البطولية .. لقد احتكرت البرازيل كرة القدم كبطلة و كلاعبين مهرة و كلعبة شعبية .. أكثر الفرق حيازة للكأس .. و لاعبيهم منتشرين في شتي فرق الدوري اللامعة .. و كنت قد بدأت أتابعهم بدقة منذ الكأس قبل الماضية .. الكأس قبل الماضية فازوا على ألمانيا و توجوا أبطالا للعالم .. ثم في الكأس الماضية هزموا و لم يصلوا للنهائي و لكنهم طيلة البطولة كانوا دوما فائزين و في آخر مباراة خرجوا منها هزموا بالظبط عشرة دقائق .. و بالمناسبة في هذه الكأس هزموا و لم يصلوا للنهائي و مدة هزيمتهم عشرين دقيقة فقط

فريق البرازيل رغم امكاناته الجبارة .. لا يهدف الي الفوز بأهداف كثيرة .. غير مهتم باذلال الفريق المنافس .. هو فريق أراه تقيل .. ينزل فيرقص .. وعندما تحين اللحظة المناسبة يحرز هدف واحد و لا يحرز غيره الا اذا تم استفزازه بهدف من الفريق المنافس

خرجت البرازيل من الكأس .. سوف أفتقد هذا الحدث المتلألئ و فرحتي الغامرة عندما يحرزوا هدف بمهارة العازفين .. و فرحتي الأشد عندما يحملوا الكأس .. كأس العالم الآن لن يعد له طعم بالنسبة لي .. أعتقد أني سوف أفكر جديا في متابعة كأس أمريكا الجنوبية لأعوض شغفي بأداء هذا الفريق المميز المتألق دائما .. انهم حتي لو طردوا من هذا الكأس سيظلون الفريق الوحيد في العالم الذي فاز بالكأس خمس مرات و هو انجاز لم يصل اليه أي فريق على وجه الأرض .. تحياتي و اجلالي و احترامي الي فريق البرازيل و مدربه و قائده دونجا المختلف

*

اللهم يسر

و لا تعسر

16 comments:

Anonymous said...

مشكله البلد دي ان كله بيتكلم في الكوره
انا مش هقلك انا مين لانك المفروض انك عارف

مصطفى محمد said...

anonymous

أولا: يا مرحب بك .. شكرا للمرور و القراءة و التعلق

ثانيا: مشكلة البلد دي حاجات كتيرة أوي من ضمنها الاهتمام المفرط بالكورة و لو ان دي سمة في كل الدول التي نتمني ان نصل الي مستواهم .. يا راجل ده كل الهيلمان اللي بحصل من مشجعي الاهل و الزمالك ما يسويش حاجة جنب جمهور زي الجمهور البريطاني اللي بيملا المدرجات دم .. ده احنا جنبهم ملايكة ... و مع ذلك هي دولة عظمي

ثالثا: لا يا شيخ .. على اساس ايه بقه انا عارف مين سيادتك .. اللي بيجو عندي انا عارفهم و كلهم عندهم جوجل اكونت و اساميهم بتنور البلوج .. انما بقه الشخصيات الغامضة اللي بتيجي دي .. صراحة معرفهمش .. يا سيدي خليك كريم المرة الجاية و تعالي على نفسك و قوللي حضرتك تطلع مين .. و عموما نورتني يا عم الغامض

:‏)‏

مصطفى محمد said...

معلش انا اقصد
:‏(‏

Ghada said...

Hi Mostafa :)
ll2asaf el marra d mish h3raf a3l2 bra7ty :( asly malesh fl kora 7'aaaaaaaaaaaaaaaaaaals ;)

Any way ana 7beet 23melak mosharka wedgania zi kol mrra btktb feha :) we 22olak "m3lish 7'ally ro7ak riadia ;) el kora mksab we 7'osara:)"

مصطفى محمد said...

Ghada

Hi :) shokran lil motab3a we mnawara

Ana maleesh feeha 2wy brdo, bs el fer2a di leha shwyt lamasat sa7era, tb knty 2oly 3la el 22l 2ntma2ek lmeen ahly wala zamalek, d 7aga f dm kol el qahereyeen

La m3lsh ana brazeely mt3sb, bla roo7 ryadeya bla klam fady

3momn wslt el mosharka, alf shokr

:)

Anonymous said...

ولما انت ملكش فيها مشن في صحابك اللي كان ليه فيها ودايما كان يقولك مشكله البلد دي ان كله بيتكلم في الكوره

Anonymous said...

وعلي فكره ده اسوا منتخب برازيلي في التاريخ
بس نعمل ايه ما انت زملكاوي ودايما عهدناكم ملكمش في الكوره وبتشجعوا بالبطاقه
يا راجل هوه لسه فيه حد بيشجع البرازيل دي بقت بتلعب زي اي فرقه قذره ع الهجمه المرتده وغلطات الفريق المنافس مفيش تحدي ومفيش لعب
وبرضه انا لازلت مصر ان انا مقولش اسمي وعلي فكره انا تقريبا قريت كل البلوجات السابقه بس دي بقي مقدرتش اسكت لانها مش مجال تخصصك
واخيرا وليس اخرا والنبي وحياه والدك متقولش علي دونجا مدرب استثنائي لان فكرته عن الكوره هيه فكرتك عن اللغه الصينيه
اخر حاجه بقي هوه لسه فيه زملكاويه اصلا؟؟!!!!!!!

مصطفى محمد said...

anonymous

عم الغامض .. شكلي عرفتك .. يا تخين .. لو أصبت التخمين

اولا: الله عليك يا قاري بوستاتي ف السكرتة .. طب خش تف اي تفة توضحلي انك قريت .. خليني انبسط يا اخي .. ياباي

ثانيا: اه ماليش فيها بس برضه برازيلي متعصب .. انا كان عندي امل يفرحوني و ياخدو الكاس ..

ثالثا: في التاريخ مرة واحدة .. طب بزمتك الكام مهاجم اللي عندهم كان فيهم الرمق ولا لأ بغض النظر عن كاكا .. و بزمتك برضه مش حارس المرمي ده احسن من الغلبان الكتيان اللي كان عندهم قبل كده

رابعا: يا راجل يا بتاع الكورة .. دونجا ده رغم انه اتغلب و اتعادل مع فرق واقعة في التصفيات الا انه عمل انتصارات حلوة و رغم ان الصحافة كانت مستلمة اهله نقد الا انه اهدي فوزه للشعب البرازيلي بعبارات نبيلة .. يا راجل ده كفاية منظره لما كان كابتن الفريق و حمل الكاس فائزا مش فاكر في انهي واحدة .. استثنائي ياض

خامسا: لعلمك بقه انا فكرتي عن اللغة الصينية عليت أوي بسبب الشغل .. و اقدر اتعلمها في اي وقت بس النفس

سادسا: أي آم زملكاوي حتي النهاية .. اي نعم ماليش فيها .. و اي نعم مش بتفرجلهم على حاجة و اي نعم معرفش اسم اللعيبة حتي .. انما دي مسألة مبدأ .. أي آم زملكاوووييييي

:‏(

مصطفى محمد said...

عفوا .. عيب في الكيبورد.. اقصد
:‏)‏

مصطفى محمد said...

يادي النيلة
:‏(‏
:‏)‏
و انا اقصد الفرحان

Anonymous said...

ده ايه النباهه دي
ايوه انا التخين ومش هخش معاك في حوار كروي لان انت عارف وجهه نظري الكرويه فيك زي بالظبط رايك الادبي فيه
بس عموما واضح ياد يا مصطفي ان انت صحيح موهوب لدرجه ان انا بدور علي ابو حيحي علشان اقراها وعموما وانت عارف الكلمه دي صعبه عليا ازاي بس كل البوستات حلوه
فيه حاجه اخيره بقي والله هوه طلب ورجاء ما تدون حاجات عن التاريخ المنيل بتاعنا في الكليه والمصايب اللي حصلتلنا وتاريخنا الاسود مع بعض اهوه يمكن تكون البوستات بتاعتك دي هيه اللي تفكرنا بايام مش عايزين نفتكرها
اخيرا انا صحيح مبسوط منك برافو واسع تاني في موضوع النشر واتمني انك ما تنسهوش
سلام يا ببف
عمك : ابراهيم

Anonymous said...

اه اشتري كي بورد تانيه يا اما تغير النضاره علشان انا زهقتلك

مصطفى محمد said...

ya anonymous ya brahym

Heheheheeeee

Ana 2a3ed fl 2hwa, w knt bst7'dm el tknologya ele fl mobile w 2olt 2sh2r 3l blog w 2reet comment syadtk s7's7't mn el d7k, 7'alet shakly moreeb

Lma 2rw7 7rd 3leek br7ty

:)

مصطفى محمد said...

ya anonymous ya brahym

شفتني وانا بتزاكي

أولا: تصدق عرفتك منين .. من كلمة عهدناكم .. قلت مفيش حد يجمع ما بين الحماسة الكروية المفرطة و الثقافة الا زبيكي النحيف

ثانيا: أعوذ بالله من حلوان و ساكنيها و محبيها و خريجيها و اللي مفكرني بيها .. ليه با بني كده .. ما كنا ماشيين حلاوة .. ده تاريخ أغبر و ذكريات منيلة .. عموما أوعدك اني حفكر في الموضوع .. و عموما برضه انا فاكر اني كتبت عن الحوار ده قبل كده بالمختصر .. خد دي
http://3ann.blogspot.com/2009/04/blog-post_414.html

ثالثا: معلش اصلي كنت بعلق من النوكيا سيادتك و العربي فيه بعيد عنك غتيت .. و مالكش صالح بالنضارة

رابعا: نشر ايه يا عم .. م أهو على يدك .. مش فاكر ميريت .. دي قصة تعبانة .. انا مش ناسيه بس يمكن أوانها مش دلوقت .. او يمكن لسه محدش اكتشفني .. معنكش حد يكتشفني .. بس من غير ما يرمي دوسيه و يقولي وطي هاته والنبي

خامسا: ياه .. انت لسه فاكر ابو حيحي .. يا عم فكك من المجموعة دي .. دي حمضت خلاص .. و دلوقتي ما بقتش راضي عنها .. رغم انها اول مجموعة ليا و شحت بيها على كل دور النشر فيكي يا وطن يا عربي .. لو عايز و ليك نفس تقرا و معدتش عليهم خد دول .. خمس بتاتيع نسبة رضايا عنهم مش بطالة و اتقدمت بهم من حوالي شهرين لمسابقة الساقية و برضه مانجحوش
1- المرقص
http://3ann.blogspot.com/2009/12/blog-post_17.html
2-الطالب
http://3ann.blogspot.com/2009/09/blog-post_6259.html
3-الواطي
http://3ann.blogspot.com/2008/10/blog-post_29.html
4- شجرتين
http://3ann.blogspot.com/2008/04/blog-post.html
5-المتجمد
http://3ann.blogspot.com/2008/03/blog-post_25.html

سادسا: ياااااه يا براهيم يا ابن يحيي آل سالم يا سليل المكاوي .. على قد ما بتحسر على ان جائزة الدولة التقديرية و التشجيعية و التفوق بيتجاهلوني كل سنة على قد ما انبهجت برأيك ان انا موهوب .. ياااه .. حقيقي مستأثر .. كلينكسك يا فلورا مش حيكفي دموعي اللي انهمرت على خدودي .. بجد مرسي و عارف أد ايه هي تقيلة .. يا واد يا تقيل انت .. بقه خيرة خيار شباب صقر قريش يقول على بوستاتي كلها حلوة و مبسوط مني .. الله الله .. ربنا يخليك يا نصير الأهلاوية و يا حبيب سواقي الميكروباص و عواجيز نادي صقر .. اهئ اهئ

:)

مصطفى محمد said...

ya anonymous ya brahym

شفتني وانا بتزاكي

أولا: تصدق عرفتك منين .. من كلمة عهدناكم .. قلت مفيش حد يجمع ما بين الحماسة الكروية المفرطة و الثقافة الا زبيكي النحيف

ثانيا: أعوذ بالله من حلوان و ساكنيها و محبيها و خريجيها و اللي مفكرني بيها .. ليه با بني كده .. ما كنا ماشيين حلاوة .. ده تاريخ أغبر و ذكريات منيلة .. عموما أوعدك اني حفكر في الموضوع .. و عموما برضه انا فاكر اني كتبت عن الحوار ده قبل كده بالمختصر .. خد دي
http://3ann.blogspot.com/2009/04/blog-post_414.html

ثالثا: معلش اصلي كنت بعلق من النوكيا سيادتك و العربي فيه بعيد عنك غتيت .. و مالكش صالح بالنضارة

رابعا: نشر ايه يا عم .. م أهو على يدك .. مش فاكر ميريت .. دي قصة تعبانة .. انا مش ناسيه بس يمكن أوانها مش دلوقت .. او يمكن لسه محدش اكتشفني .. معنكش حد يكتشفني .. بس من غير ما يرمي دوسيه و يقولي وطي هاته والنبي

خامسا: ياه .. انت لسه فاكر ابو حيحي .. يا عم فكك من المجموعة دي .. دي حمضت خلاص .. و دلوقتي ما بقتش راضي عنها .. رغم انها اول مجموعة ليا و شحت بيها على كل دور النشر فيكي يا وطن يا عربي .. لو عايز و ليك نفس تقرا و معدتش عليهم خد دول .. خمس بتاتيع نسبة رضايا عنهم مش بطالة و اتقدمت بهم من حوالي شهرين لمسابقة الساقية و برضه مانجحوش
1- المرقص
http://3ann.blogspot.com/2009/12/blog-post_17.html
2-الطالب
http://3ann.blogspot.com/2009/09/blog-post_6259.html
3-الواطي
http://3ann.blogspot.com/2008/10/blog-post_29.html
4- شجرتين
http://3ann.blogspot.com/2008/04/blog-post.html
5-المتجمد
http://3ann.blogspot.com/2008/03/blog-post_25.html

سادسا: ياااااه يا براهيم يا ابن يحيي آل سالم يا سليل المكاوي .. على قد ما بتحسر على ان جائزة الدولة التقديرية و التشجيعية و التفوق بيتجاهلوني كل سنة على قد ما انبهجت برأيك ان انا موهوب .. ياااه .. حقيقي مستأثر .. كلينكسك يا فلورا مش حيكفي دموعي اللي انهمرت على خدودي .. بجد مرسي و عارف أد ايه هي تقيلة .. يا واد يا تقيل انت .. بقه خيرة خيار شباب صقر قريش يقول على بوستاتي كلها حلوة و مبسوط مني .. الله الله .. ربنا يخليك يا نصير الأهلاوية و يا حبيب سواقي الميكروباص و عواجيز نادي صقر .. اهئ اهئ

:)

مصطفى محمد said...

حسبي الله و نعم الوكيل
حتي اللاب بيخرف
عموما كل شئ له سبب علمي
:)