قلت انا مش قد قلمي
قلت انا يكفيني ألمي
قلت انا مالي : انا استرزق و اعيش
و الهرب في الاستذة زيه مافيش
و المراكز و الجوايز و الذي ما بينتهيش
قلت اخبي نفسي جوا كام كتاب
قلت اشغل روحي بالقول و الحساب
و المقابلات و المجالس
و الجماعة مخلصينلك كل حاجة
ايوه خالص
بس برضك و انت جالس
القلم صحصح و نط الحرف منه
لوحده بيخزق عينيا
و ابتدا قلمي يحرجني انا
قالي بالذمة
لو كنت صحيح بني آدم .. بتحس
و الناس قدامك في ألمهم و ف فرحتهم
و ف كسرتهم و ف ميلة البخت
مش ترسمهم للناس
الناس التانية
اللي مش قادرة تقول آه عند الدكتور
اصل الآه الموده غالية
لازم بالحجز
لازم بالدور
مش يمكن ناسنا الغلبانة اللي لسه ماصبهاش الدور
ينتبهوا قبل الدحديرة قبل ما يغرقوا في الطين
و لا السبوبة حاتتعطل لو ذعت السر
و لا انت جبان؟
*
يحيي الرخاوي
2 comments:
nice :)
anonymous
thanx 4 readin n commentin
he is a great man on the professional and the human side
:)
Post a Comment