Thursday, November 25, 2010

عن الفنان


انا فنان

ببساطة

في عروقي دم

زي كل انسان

كتير بيوصل لنقطة الغيان

و في ثانية يتلج

و يصير بردان

*

انا فنان

ببساطة

صباعي سلاحي

فلاحي

جندي و مش نايم

بل صاحي

عنده اهتمامات

في باله حاجات

يمكن تسعده او تصدع

انما الوتر بس

اللي يوضح

*

انا فنان

ببساطة

احضن جيتاري

بسعادة

و اعزف الحان

*

انا فنان

ببساطة

في وتر الحنان

انا شوكولاتة

لو دقتني

مش حتنساني

امضغني و ابلعني

و حتعيش في امتناني

*

انا فنان

ببساطة

في وتر الاهداف

انا الألاطة

مغرور و حالم و رومانسي

و طبعي غتيت

و مش انا اللي امشي

*

انا فنان

ببساطة

و ف وتر الجمال

انا زياطة

اقدره

و الزقله

و عينيا تدمع

بانبساطة

*

انا فنان

ببساطة

و وتر الرضا

ده حبيبي

راحة سعادة هنا

في نصيبي

سلام و جنة و دفا

في نصيبي

و رغم اني ملول

انما هذا الوتر

عمري كله معاه

ما يكفيني

*

انا فنان

ببساطة

و وتر المعرفة

ده جناحي

من قال ابن آدم

ما بيطرشي

و لا بالوان الدنيا

مابيتلونشي

و ان البهجة و الدهشة

وقت محدود

و مابيتكررشي

ابدا ابدا

كل الحكاية انك

مابتعرفشي

*

انا فنان

ببساطة

وتر المعيلة

دا كيف و مزاج

انا مهما كبرت

طفل كله عناد

و بحب اتنطط و ارفس

و اعمل وشوش

و اتمرجح

و اصاحب عيال

و أتأنزح

*

انا فنان

ببساطة

و وتر الروح

ده اساسي

ابص لفوق

انا يوماتي

و اسأل

هو انا حشوفك

و اقرا كلامه يوماتي

و بجد بحاول

انفذ

منايا تكون بتحبني

و ابقي ليك قريب

و تخصني

بمكانة مش لحد

*

انا فنان

ببساطة

عندي صوابع بتعزف

و عندي جيتار في قلبي

و دماغي كلها الحان

نفسي في ودان

تسمع

و حبة جمهور

يخشع

و الاهم اني

نفسي

افضل فنان

ببساطة

و مفقدش الرغبة

في عزف الالحان

8 comments:

Ghada said...

Mashy ya 3m el fnan ;)
Welcome back :)

7lwa ya Mostafa,

Estamer ;) we rbna m3ak :)

Anonymous said...

نعم جميعنا يحلم بأن يكون فنان..ويترك بصمة رائعه في حياته كونه إنسان..كلماتك رائعه وبسيطة..يغلب عليها الحس المصري الجميل...:)

محب روفائيل said...

جميلة فعلا
وفنان فعلا
ونفسى أبقى زيك
ونفسى ودان تسمعنى

مصطفى محمد said...

Ghada

shokran

thanx 4 readin n commentin

:)

مصطفى محمد said...

مجرد امنيات

شكرا للمرور .. اشكرك على تعليقك الجميل

:)

مصطفى محمد said...

الكاتب محب

اشكرك على المرور و التعليق

أطلعك على سر: نحن نصنع الآذان .. رغم اننا لا نتحكم في الانصات

:)

mado80 said...

وانا اشهد وابصم بالعشره انك فنان
معجون بميه الفنانين
وسكناك روحهم

ربنا يديمها عليك نعمه
وربنا ما يطفيش ابدا شعله الفنان اللي جواك
وتفضل تبدع وتبدع
واحنا نستمتع ونستمتع بهذا الابداع
:) :)

تحياتي

AM!R said...

thank you
World trade and the stock market and forex news
http://trade-world1.blogspot.com/