Wednesday, May 7, 2008

عن الرمز


أن يكون يوم ميلادك

يلي ميلاد الرئيس الجامد

هو أمر يساعد الذاكرة

بأن يعلق التاريخ فيها

و لكن

أن يتزامن يوم ميلادك

مع أيام دهم فيها الغلاء

البلد كلها

فهو أمر غير سار

*

أن يسخن الناس

و يستجيبوا لنداء الحركة الجماهيرية للاضراب

و يحفل 6 أبريل بأحداث

تعكس الافاقة

ثم أن تنجح الحكومة

في اخماد نفس الحركة في 4 مايو

و في الحالتين تهبط على الجرائد مانشيتات

من طراز "شباب الفيس بوك

هو أمر لافت

*

أن ينفث فينا صانع القرار

البالغ البجاحة

بقرارات الغلاء

ثم تندلع المدونات في الرد و التعبير

عن الغضب و الاحباط

ناهيك عن انشاء أكثر من جروب

على الفيس بوك لاعلان الحنق

كل هذا حتما يلفت

*

زماااااان

كان الالتفاف حول الفكرة

التحرير تارة و السد العالي تارة و غيرهم

ثم

(ويظهر هذا في المسلسلات أيضا)

الالتفاف حول الحزب

مصر الفتاة تارة و الوفد تارة و غيرهم

ثم الالتفاف حول الزعماء

سعد تارة و جمال تارة و غيرهم

هناك اذا نعمة من ضمن النعم التي سلبت

في زماننا التي تسلب فيه أوراقك الرسمية

اذا لم يكن في جيبك عشريناية

اسمها الالتفاف حول الرمز

ربما الوحيدون الذين لم يسلبوها هم

الذين لايزالون ينتفعون و ينتفعون

و يتمسكوا بالكيان البلطجي المسمي

الحزب الوطني

أهي دي الرموز ولا بلاش

رموز للجشع و الطمع

للكذب و التفاق

*

الحقيقة لأن ربنا رحيم

فهناك رموز جديدة يلتف حولها

من لا رمز له

و يا لمسكنة هؤلاء

فرمزهم ولا هو حزب

ولا هو فكرة

ولا هو زعيم

بل هو محض سراب أو وهم

قائم يهدده أي لحظة أن يختفي بالكامل

أبرز هذه الرموز

الفيس بوك

بلوجر

*

في برنامج الطبعة الأولي

رثي يوسف القعيد المعارضة

لأنهم لا يجدون رمز يلتفون حولهم

في الدستور

طرح فهمي هويدي

فكرة العالم الحقيقي و العالم الافتراضي

و مدي تأثير هذه الاشكالية

على الواقع السياسي

و كانا على حق

*

عادة أختم تدوينتي بدعاء

لأن الدعاء هو نكهة الحياة

ولكن

أختم بسؤال

*

أجب عن السؤال التالي

ما هو التعليق الأكثر استفزازاً الذي سمعته

أو قرأته

أو أي حاجة

عن مبارك في يوم ميلاده؟

*

اجابتي

هههههههههههههههههههههههه

قال ايه

مبارك رمز العدالة الاجتماعية

نيههههههااههاهاهاههاا

17 comments:

dodda said...

كلام كويس وزى الفل
بس ممكن بكون فرق جاتوه على روحوه ..فى عيد ميلاده مثلا؟؟؟
بس احنا اللى شعب وحش ميطمرش فيه الرشوه ..العلاوه
لوكنت جبت كادو كنت اكلت الجاتوه
تيييت تيييت بارتى


حاولت الا اكون سخيفه
فكتبت تعليق
سامحنى فالسخافه مصدرها حاله نفسيه سالب ما لا نهايه ولا عزاء للشعب

مصطفى محمد said...

دودا

ننجح في ألا نكون سخفاء
و لكن من ينجح في ان يكون رمز؟

ايه يا دودا
مالانهاية مرة واحدة
لأ كده مش حينفع خالص

و بعديت انتي ما جاوبتيش على السؤال
منتظر اجابتك

:)

mado80 said...

مصطفي محمد

إزيك

الأول كل سنه وأنت طيب هو عيد ميلادك صحيح بعد عيد ميلاد الرئيس الجامد ولا لأ

ثانيا أنا مش شايف أي عيب أن تكون لرموز التي نلتف حولها هي مجرد رموز من عالم إفتراضي في ظل حاله الموت السياسي الذي نعيش فيه وفي ظل أحزاب الديكور التي قبلت بدور الكومبارس

صحيح هي مجرد سرابا يمكن أن يتلاشي في أي لحظه ولكن هذا السراب أفضل من لا شئ علي أي حال

هذا السراب يا مصطفي أستطاع أن يرهبهم وأن يرعبهم فاستحق أن تفرض له الصحف الحكوميه الجوفاء مساحات واسعه للهجوم عليه والتسفيه من شأنه

لا أعلم هل بعد ذلك نعده سرابا أم لا ما دام له كل هذا التأثير

ولكن هو رمز علي أي حال شئنا أم ابينا في ظل هذا العصر الأغبر الذي نعيش فيه

التعليق المستفز الذي سمعته كان عنوانا لمقاله أكثر إستفذاذا لممتاز القط رئيس تحرير أخبار اليوم
مش عارف سمعت عن المقال ده ولا لأ يا مصطفي أنا كنت هاكتب بوست عنهبس سمعت إن عمرو أديب قام بالواجب في القاهره اليوم وهاجم القط هجوم شديد

المهم عنوان المقال كان بيقول

ليه بنحبك يا ريس ؟
نيهههههههههااه

بيتهيألي السؤال الأ نسب تفتكر حد بيحبك يا ريس؟
:)

تحياتي ليك يا مصطفي والف تقدير لشخصك الكريم

مصطفى محمد said...

مادو

عيد ميلادي فعلا و للأسف يلي ميلاد رئيسنا الجامد بتلات أيام


الموضوع تجاوز العيب أو مش عيب .. الموضوع بقي زي ما يكون اتجاه جبري .. فعلا الموات الحزبي أجبر الناس تنضم للرموز السرابية.. البلوجر كمثال أمكنني اني أقول رأيي في الريس بالطريقة اللي تعجبني .. وهذا رمز فعلا يستحق التقدير .. بس السؤال اللي الزمن حيجاوب عليه هو هل حيخرج من رموزنا السرابية المؤثرة بني آدم يصلح ليكون رمز يقود أشتات المعارضة نحو مصر أخري أم يبقي الحال كما هو عليه ولا ايه

معلش طولت

وبالنسبة لممتاز القط
ههههههههههه

:))

dodda said...

النكته الجامده اوى يا درش
ان الناس بدأت تحسب وتعمل تباديل وتوافيق الغلاء مع العلاوه اللى لسه لا قبضوها ولا شموا ريحتها ولا مؤاخذه موت يا تور..
طبعا قصدى برج التور ابو قرون ده عارفه؟؟؟

مصطفى محمد said...

دودا

و بعدين بقه .. ما قلنا بلاش غلط في برج التور .. انا برضه للأسف برج التور .. و بعدين لا مؤاخذة أحسن تعبير شفته عن توافيق الغلاء أهي
http://tahyyes.blogspot.com/2008/05/blog-post_126.html
و بعدين برضه ماجاوبتيش على السؤال

:)

Asmaa mahaba said...

عيد ميلاد سعيد
اوعى تدوس على اللينك الاولانى دا وياريت تحزفه انا دوست زمان زى العبيطه وجالى ملف تروجان ظبطلى الكمبيوتر ولسه موجود حتى الان
الكمبيوتر بتاعى بيقول اعوعااا منه
يا رب متكونش النصيحه متاخر
المهم يا سيدى انا اول مره ادخل هنا وشكلها اخر موضوع حتكتبه هههه ونجيب لسياتك عيش وحلاوه اذا حبيت عشان انت ظالم لان زقلط فعلا مظلوم عاوز عداله اجتماعيه اكتر من انك تمشى فى الشارع اللى رئيس جمهوريتك مشى فيه قبلك
عاوز عداله اكتر من انك تشرب ميه النيل اللى رئيس جمهوريتك شرب منها قبلك ...حسب معلوماتى زقلط لا يفضل الميه المعدنيه
:))
تحياتى ليك سومه_87

Anonymous said...

check this
http://www.daad.de/de/index.html....yr sis :)

dodda said...

كل اللى كاتباه ده ومش جاوبت على السؤال؟؟؟!!!!
واضح انك مستنى ان اجابتى تيجى من خلف الاسوار
..لو سمحت تجاوب انت على التاج اللى بعته مادو
مستنيييينك

مصطفى محمد said...

سومة

زيارتك أسعدتني

اذا كان زقلط هو رمز العدالة الاجتماعية .. فبوجي و طمطم هما الطغيان و الاستبداد
وبعدين زقلطنا الجامد لا يشرب من النيل ولا من المياه المعدنية ولا حتي مياه آبار .. ده حضرتك بيجهزوله ميه مقطرة في كبري معامل الشرق الأوسط و بيمصها أو بتتحقن له في الوريد
عاش زقلط
و لا تنسي أن تكون الحلاوة الرشيدي بار
:)

مصطفى محمد said...

دودا

انا مش طالب اجابة تودي في داهية . انا طالب عنوان قريتيه مثلا في جرنان حكومي حسسك انك عايزة تشدي شعرك و تقطعيه و تغليه و تقليه في زيت زيتون مع بعض من الملح .. بس

و بالنسبة للتاج .. يا مسهل

:)

dodda said...

كل ده يحصل فى شعرى؟؟؟
حسبى الله ونعم الوكيل!!!

مصطفى محمد said...

دودا

فلنشكر الرب ان هذا كله محض مجاز .. لأنه لو كان حل واقعي كان زمان البلد كلها زلبطة

:))

دكتورة سنان said...

يعنى يامصطفى ملقيتش غير عيد ميلاد البيج بوص :)
كل سنه وانت طيب يامصطفى وعقبال 100 سنه :)

هو بيعمل عيد ميلاد وكده؟
ولما حد بيقوله كل سنه وانت طيب ياترى بيكمل الجمله ويقوله عقبال 100 سنه ياريس؟ :)
يالهوى يعيش كمان 100 سنه :)
تصور بقى لما يعيش كمان 100 سنه

Unknown said...

والله شوفت تعليقات كتير زى
الريس ادانا هدية.. علاوة 30 %
جميل البوست جدا تحياتى

مصطفى محمد said...

نوسة

والله زمان

على فكرة .. بصفتي مولود في يوم قريب من البوص الأكبر .. لغيت حكاية عقبال مية سنة .. و خلتها و عقبال 80 سنة .. وده لا يحتوي على اى اشارة من اي نوع و طبعا لا يلمح الي ان العمر لما يوصل 80 يبقي كفاية
خاالص

و بعدين لو الريس عاش كمان مية سنة جمال هو اللي أعصابه حتبوظ .. حيقعد يبص في الساعة

:)

مصطفى محمد said...

أيمن بدر

قالك هدية
لو كان صبر يوم .. كان حيقول كلام تاني
يلا الصبر من شيم المصريين الأصيلة

سعدت بك مدونتي
تحياتي ليك