Saturday, January 26, 2008

عن مبارك


دعونا نعترف

بعد موت مبارك

سيجلس الواحد منا منتفخ الصدر

يزفر في ارتياح

يشرد ببصره الي الماضي

يسكت لحظة

يصيح

"أيام مبارك"

و يتنهد تهيدة

لن يفهمها هؤلاء الذين جاءوا بعد حقبة

على الأقل مبارك الأب

و دعوني أعترف

كمواطن مصري مواليد 1985

ان شاء الله

ان أمد الله في العمر

و رزق الذرية

سأقول لأولادي

" انا حضرت الراجل اللي حكم مصر كذا و عشرين سنة"

*

عزيزي

رئيس جمهورية مصر العربية

رأس الدولة المصرية الأزلية

صاحب التكية الكبري

اود ان أرسل لك الرسالة التالي

*

انت رئيس تجاوزت حدود المنطق

و لكنك لا تشعر لأن من حولك داسوه

انت تحولت الي شخصية كارتونية عند الكثير

الذين اذا برز في حياتهم مكدر ما

سعوا لحل مكدراتهم بعيدا عن حقيقة امكانية حل جذورها

لأن جذورها بيد ادارة انت على رأسها

*

سيدي الرئيس

ذات مرة

شاهدتك في مؤتمر ما يخص النساء و أمورهن

وقفت لتخطب ثم تلقيت أسئلتهن

كنت خفيف الدم

و أضحكتني

*

بصراحة

أحترم فيك أمراً

ألا و هو رفضك التام

لانشاء قاعدة أمريكية في مصر

لا اتصور نهاااااااائييييييييييييييييييييي

وجود جندي أمريكي يخطو فوق تراب مصر

و اشكرك على عدم منع الفلسطينيين من الدخول الي رفح المصرية

*

سيدي الرئيس

انت برج الثور

و انا برج الثور

لذلك تعشمت فيك الكثير

و نما لدي تساؤل

هل تعلم المفدسين من تحتك و فسادهم

و تسكت

ام انك في غيبوبة و لا تدري ما يصنعون

*

سيدي محمد حسني مبارك

رئيس الدولة

اقتل الفقراء من الغلاء

اقضي على الكوادر

اجعل من اقتصادنا مبولة

اعتقل من شئت

قاطع ايران

طأطئ لأمريكا

استهدف الاسلاميين

افعل ما شئت

البلد بدلك

برطع فيها بمزاجك

و زد على ذلك مزاج اللي خلفوك

ولكن

لا تمد اسرائيل بالغاز الطبيعي النابع من أرض مصر

لا تلطخنا بعار اسرائيل

لا تزود ترسانة اسرائيل بوقود من عندنا

لا تغذي العدو الصهيوني بالغاز الذي يقيم كيانه

أرجو الا أكون أزعجتك

تحملني

فقد تحملتك كثيرا

مواطنك و ابنك

مصطفي محمد حسين ، المعادي الجديدة

القاهرة ، مصر


10 comments:

mado80 said...

مصطفي ازيك يا درش

بتقولي ما لكش في السياسه يا مصطفي أمال اللي انت كاتبه ده ايه ، ده أنت يا بني بتتنفس سياسه انت داهيه يا مصطفي بوست جميل وجرئ يادرش

والله يا مصطفي الله عليك ومن غير نفاق ولا تملق انت يا مصطفي لازم الواحد يرفعلك القبعه احتراما وتقديرا ، البوست هايل

بس عاوزك تعرف ان مصر برضه هاتفضل تمد اسرائيل بالوقود وتمد الترسانه العسكريه الأسرائيليه بالوقود ، تعرف ليه لأن أمريكا نايمه مع اسرئيل في غرفه نوم واحده ومصر واقفه علي الباب نفسها يا عيني تخش علشان ينوبها من الحب جانب ، مبارك مفكر أنه بالطريقه دي هايقدر يفوت الكرسي لأبنه

تحياتي يا درش وألف تقدير ليك علي فكره يادرش أنا يشرفني أن أحط مدونتك في المدونات المفضله عندي بعد اذنك يعني يا مان.....سلام

دكتورة سنان said...

طب اشمعنى الغاز
انا شايفه ان طبيعى ان مصر تمد اسرائيل بالغاز
ماهو اللى اوله تطبيع
وتانيه الكويز
يبقى نهايته غاز
مش عارفه ليه عاوزه اقول اياكش تولع
هقولها بقى ومحدش يزعل عشان انا زهقت من البلد دى
اياكش تولع

مصطفى محمد said...

مادو

يا عم بالراحة على .. انا اشكرك انت بكل عمق على تعليقك المؤثر اللي انا فعلا مش عارف ارد عليه

بس انا افتكر ان مصر عندها اعتقاد راسخ انها مش قد دخول أودة النوم .. لذلك هي فقط ستكتفي بالمراقبة مع امتنان تام انه تم اختيارها لهذه المهمة الجباااااارة
ولو اني أختلف معاك في موضوع الكرسي لابنه ده .. و اظن الدليل على كده ان لو جيمي مسك حيفضل برضه يودلهم غاز

أشكرك و انت لا تدري كم أكون مزأططاً عند اضافة مدونتي عند مدون
بس ملحوظة : انا مش مدون سياسي .. دول همه كام بوست كده و هرجع لمواضيعي اللي في الأول .. انا قلت أحذر .. افعل ما تراه مناسبا لك

تحياتي الشديدة

مصطفى محمد said...

نوسة

الحكومة في ايديها كل حاجة
سليم
اي عيب من جوه مصر احنا لينا ايد فيه
سليم
سواء بنسكت .. بنكيف .. بنعمل عبط
سليم
الا حوار الغاز
احنا فعلا مالناش ايد فيه
و حاجة بصراحة
يلا

تحياتي و احترامي

mado80 said...

مصطفي
أيها الموهوب في محراب الكتابه

أنا لما قررت أضيفك عندي يا مصطفي مش علشان انت مدون سياسي لأ بالعكس أنت يا مصطفي بجد ومش عاوز أحلف تاني ومن غير أي تملق انت موهوب أوي

أسلوبك راقي الي حد بعيد ، أنا أسلوبك بجد أسرني يا مصطفي قليلين أوي من الكتاب اللي تشعر وانت بتقرأ لهم أنهم واخدينك وأنك مش قادر أنك تسيب الكتاب أو المقال اللي هما كاتبينه الا بعد ما تخلصه لأنك مش هاتخسر لو ضيعت وقتك في قرأتهم أنت من النوع ده يا مصطفي

تعرف هأقولك سر ، أنا من ساعه ما دخلت عالم التدوين هذا العالم الساحر لم أقرأ لأحد تدوينات قديمه غير ليك والله بجد ومن غير أي تملق أو نفاق
أنت يا مصطفي يشرف أي حد أنه يضيف مدونتك عنده فأنا حبيت أضيفك علشان مدونتي تتشرف بيك

تحياتي يا مصطفي وان شاء الله مستقبل باهر في عالم الكتابه

مروة الزارع said...

أسمحلى يامصطفى أنحنى لك على شجاعتك ومقالتك الرااااااااااائعة

عارف أنا خايفة بعد 20 سنة أقعد أحكى لولادى على أيام مبارك وأتنهد وأقول أهةةةةةة ياريتها ترجع تانى

خايفةأدام يبقى أسود من اللى أحنا فيه ومنلاقيش حتى حبة فول ورغيف عيش بمساميرة وترابة

أسترها يارب

..............

كلمة على جمب

حاسب على نفسك ورا الشمس أتملى من زمان

:)

تحياتى ليك يا تيفا

:)

مصطفى محمد said...

مادو

تعليقك و الله العظيم حاجة انا مش قادر اتخيلها .. مادو حقيقي ربنا يكرمك على شعورك الطيب .. و كل الكلام اللي انت قلته فعلا خلاني في حالة خرافية من السعادة .. و انا غعلا مهما كتبت شكر فيك على التعليق ده مش كفاية
و ارجو ان تسامحني على عدم استطاعتي ايفاءك حق ما علقت .. و على رأي الكاتب أحمد العايدي
شكرك لا يكفيه مجلدات

تحياتي الشديدة

مصطفى محمد said...

مروة

انا عندي يقين غير مبرر
ان الزمن اللي بعد مبارك
حيبقي جميييييل
كحكم و كده
مش عارف لييه؟

بالنسبة لورا الشمس
يا ستي
هو فعلا خلاص اتملا

تحياتي ليكي

موجة said...

مصطفى بيه
مستني ردك على التاج اللي باعتهولك البوست اللي فات عندي

خالص تحياتي
احمد

مصطفى محمد said...

عزيزي موجة

تقبل خالص اعتذاري الممتزج بخجلي منك
لن أستطيع أن أقبل التاج
المسألة تتجاوز امكانياتي

أشكرك و مدونتي تسعد بك