Friday, February 8, 2008

عن الدخان


ألا لعنة الله على الشيشة

و السجاير

و الجوزة

*

الدخان

لمن لا يعلمون

شهوة

مثل الجنس و الطعام

و لمن يعلمون

هي حالة فراغ

أو عدم استطاعة في تصريف الوقت المتوفر

*

السجاير

لمن لا يعلم

متعة لا توصف

منذ مشاهدة تحول آخرها الي جذوة حمراء

حتي سحب آخر نفس حين يسخن الفلتر

و القاء العقب الملطخ بالمادة الصفراء الي ما تحت الحذاء

و لكن

يسحب المدخن

النيكوتين .. على عيني و راسي

و لكنك تسحب حرق ورق البفرة

و هو بمثابة حرق ورقة ثم حبس الدخان المنبعث في فمك

بل و فرضه دخول رئتك و من ثم دمك

و قرأت ذات مرة في بحث كندي أن التدخين

و السجاير بالذات

يقي من سرطان البروستاتا

و لكنه -مع احترامي الشديد للبروستاتا- يسرع باقي السرطانات

*

الشيشة

لمن لا يعلم

واجب جلسة

أي

اذا كان من حولك يشربون الشيشة

و أنت في قهوة بلدي

أو كافي غير أميركن

لن يجد الكثير أي غضاضة في سحب نفس

غير كاتمين الدهشة في تحويل هذا الكم من الفواكه الي دخان

الشيشة

مع احترامي الشديد للدخان الكثيف المنطلق منها ومن فم مدخنها

و هي أحد أسباب اقبال الناس عليها

الشيشة هذه

تتداولها الأفواه بشكل غير حصري

أي

لو واحد لسه مرجع

(يع)

أو مصاب بالحصبة

أو أنفلونزا الطيور

أو -لكي لا أكون مبالغا- دور برد في الخفيف

فاعلم عزيزي المشيش

أنه انتقل اليك مع تحيات الولعة

و الي هؤلاء القوم الذين يخصصون لأنفسهم شيشة دون غيرهم

أقول

الشيشة الي جانب أنها أحسن وسيلة لجلب العدوي و نقل الجراثيم و ترحال الفيروسات

الشيشة (بخبرة أهل الشيشة أنفسهم

تجذب النوم .. و تجعل من شاربها بهيمة نوم

تؤصل لمرض بدأ في الانتشار الواسع ألا و هو "الماء على الرئة

تعبث

بس كده

تعبث

في الدم بقه

في القنوات الداخلية الرأسية (الودن و العين و الأنف

في الصدر

في أي حتة

كل حسب تركيبة جسمه

هذا بالنسبة لمدخني الفواكه

*

ملحوظة خاصة لمخني المعسل

المقارنة بين المعسل

القص .. برجه و مستورده

الزغلول

السلوم

المزاج الكامل

المقارنة بين أي من هذه الأنواع الأشهر في دنيا المعسل

و بين الأسفلت .. الأشهر في دنيا القيادة

لن يسفر عن نقاط كثيرة

سوي أن المعسل يتم سحبه الي الرئة

و يقوم المدخن بدخول المستشفي

و سحب البلغم المتكوم على مسارات جوفه

أما الأسفلت .. فيتم سحبه في اطارات السيارة

و يقوم المتضرر باللجوء الي الميكانيكي

و ذلك ليستبدل تيل الفرامل بآخر جديد

*

أدعو المدخنين

لترك التدخين

ايييييه؟

اعترف يا عزيزي المدخن

أنك تستيقظ يوميا

و تتنفس فلا تستطيع

الي أن تقوم بعشرات الكحات المتتاليات

و العديد من التف و البصق المستمر على مدار دقائق

و كل هذا لتسحب نفس هواء طبيعي

و حينئذ تظن من عظمة الصوت

أن هناك من يتنفس جنبك

هاااااااااا

بذمتك؟

*

اللهم ارزقنا ركعتين في جوف الليل

ندعوك بها و نطلب منك فلا تحرمنا

اللهم سهل علينا الخطو اليك

لتأتينا هرولة


23 comments:

Kele said...

For a more complete comments, I would advise you to be more detailed information, for example
here or here

mado80 said...

مصطفي

ازيك

بوست جميل يادرش بس تعرف علي الرغم كل البلاوي بتاعه التدخين
الا اني ما شفتش مدخن منع التدخين لمجرد علمه بأضراره لأ لازم يحصله حاجه الأول مرض أو ما شابه لكي يرتدع

يعني فيه أكتر من أنهم كاتبوللهم بالبنط العريض التدخين يؤدي الي الوفاه ويسبب السرطان ومع ذلك فنسبه المدخنين في ارتفاع

الكاتب الكبير محمود عوض وصف الحاله بين المدخن والسيجاره بأنه غرام يقصف العمر

علي فكره أنا كنت من المدخنين الشرهين وفي محاوله مني لمنع التدخين وصلت لمرحله المدخنين بس غير الشرهين يعني بشربها بس قليل اوي بالنسبه لقبل كده
للأسف ارتبطت معايا ارتباط شرطي بالقلق والتفكير ومع أني عارف سخافه هذا الأرتباط تلاقيني قلقان أو بفكر ايدي تروح علي طول بتلقائيه علي علبه السجاير
أنا بدعي ربنا اني أبطلها خالص وبدعي ربنا برضه انه يساعد كل مدخن انه يبطلها فعلا لأنه بالفعل
غرام يقصف العمر

تحياتي ليك يا درش وألف تقدير لشخصك الكريم

مروة الزارع said...

الله ينور عليك يابنى

بجد جااااااااااااااااامد البوست دة

بس بجد

أوعى تكون بتدخن؟
ههههههههههههههه

تبقى كارثة
هههههههههههههههه

بس عارف اقولك سر

انا بتعجبنى ريحة الشيشة التفاح جدا
ههههههههههههههههههههه

مش بشرب ولا مدمنة متخفش

انما السجاير دى ريحتها وحشة جدا

نفسى اعرف بيشربوها اازاى ولية

تحياتى ليك

نوسه said...

فى ماده عندنا اسمها اورال باثولوجى
الماده دى بقى فيها شوية صور للامراض اللى بتعملها وبتزودها السجاير
صور بشعه
والله انا لو حطيت صوره واحده على المدونه محدش هيقدر يبصلها اصلا
بتهيالى اصعب انواع السرطان هو سرطان الفم والقرحه القارضه دى ملهاش حل مميته معنويا وفسيولوجيا وببطء
ربنا يعافينا جميعا يارب ويارب اللى لسه بيشربها يبطلها بقى
مش قادره افهم واحد بيتنفس دخان .. ليه يعنى حاجه غريبه بجد

مصطفى محمد said...

مادو

المدخنين على دراية واسعة بالأضرار .. و عاملين حسابهم على علاجها غالبا .. زي مثلا زيارة دكتور السنان لازالة الصبغة الصفرا و غير ذلك

البوست كان بس محاولة شقية شوية لتفظيع الاضرار و تكبيرها..انا على يقين تام ان ولا مدخن حيبطل لما يقرا البوست .. انا كنت مدخن .. ولو كنت قريت البوست ما كنتش حبطل علشانه .. ده مجرد حفر حافز يضاف الي الحوافز التي ستنبري للمدخن عندما يرغب في الاقلاع

أحييك تحية خاصة على وصولك لهذه الدرجة .. انا عارف ان الموضوع فيه صراع شبه يومي كلما لمحت علبة سجاير .. أو هكذا أظن

الارتباط ده على فكرة راود الناس كلها .. تعرف انا عندي كتاب عن التدخين .. مكتوب فيه ان الشعراوي رحمه الله كان بيشرب علبتين في اليوم و ما يزيد .. كان عنده تصور انها تجلب الابداع .. و كان ايامها مش منتشر أوي موضوع الاضرار الصحية .. لحد لما بطلها و حرمها بعد كده عند علمه بالاضرار .. آه والله الشعراوي بنفسه .. و الكلام ده هوا اللي كاتبه .. ويقول في الآخر ان صدره فضل تعبان طول عمره من السجاير .. عشان كده تلاقيه يكح في خواطره كل شوية .. انا طبعا قريت الكلام ده و كان له دور كبير في اقلاعي عن الدخان .. اتمني انها تلعب دور معاك .. و يا رب ان شاء الله تبطلها نووهااائييي

تحياتي و معذرة للاطالة

مصطفى محمد said...

مروة

ربنا يكرمك

لا الحمد لله .. بطلت الدخان بأشكاله و أنواعه منذ عام تقريبا

حرام عليكي .. ده ريحة الشيشة بالذات بتجبلي التهاب في الشعب الهوائية وقتي كده

و السجاير .. مممممممممم
السجاير حاجة تانية خالص
على العموم .. الحمد لله الذي عافاكي مما ابتلي به غيرك

سلاماتي ليكي

مصطفى محمد said...

نوسة

والله فكرة موضوع الصور دي .. ابقي حطيها مرة .. يمكن حد يبتدي يفكر يبطلها و تنوبك الثواب .. مش معقول نبقي شعوب على الجنط و استهلاكنا للسجاير في ارتفاع

الحمد لله برضه اللي عافاكي من الدخان
و آمييين .. يا رب الناس يبطلوها بقه

سلاماتي ليكي

koko said...

طريقة مبتكره لمنع التدخين و هى انك تقرف الناس فيه .. مهما تقولهم امراض و مش عارف اسه مش هيجيب نتيجه لأنها مرتبطه ارتباط شرطى بحاجة ظريفه زى قعده الاصحاب و الضحك و الحبس بعد الاكل .. يبقى نعمل لها ارتباط شرطى مع حاجه مقرفه و كل مافكر اشد نفس "مش انا طبعا" يجى فى زهنى الصورة المقرفه فنفسى تغم عليا:))

Fejar said...

look here

شريف طلال said...

ربنا يرحمنا منها
شكراً على البوست ده
تحياتى

مصطفى محمد said...

كوكو

هو ده بالظبط اللي كنت عايز أعمله
أخلق صورة مقرفة بدل الصورة الجميلة

أشكرك على المرور
و سعدت مدونتي بك كثيرا

سلاماتي ليكي

مصطفى محمد said...

fejar

المواقع مش عايزة تفتح

مصطفى محمد said...

شريف

شكرا ليك انت على وقتك
و ربنا فعلا يرحم الناس كلها منها

سلامي ليك

Fejar said...

See here

Malabei said...

See here

Reham R. said...

هو التدخين بيحفز كل أنواع السرطانات وبيقتل. دي معلومة معروفة جدا وكل المدخنين يعرفوها. لكن الحقيقة ان المدخن مش بيموت من تاني سيجارة ولا من عاشر واحدة، وان تدخين أربع سجاير في اليوم هيدي المدخن فرصة يعيش لحد 80 سنة، إلا طبعا لو مات بحادثة عربية مثلا!. التدخين بكثرة ليس إدمانا جسديا وإنما تعودا نفسيا، أي يمكن التوقف عنه بعلاج نفسي، ويختلف في ذلك عن شرب الكحوليات بكثرة مثلا الذي قد يتحول لإدمان حقيقي. الشيشة لا تنقل أي أمراض، لسبب بسيط هو أن هناك ما يدعى "الفلتر" البلاستيكي في اخر العصا الطويلة التي يسحب منها الدخان، وهو الجزء الذي يدخل فم المدخن، وهو الجزء الذي يتم تغييره بعد كل استعمال للشيشة. أنا ضد التدخين بالطبع، ولكن هذه حقائق للمعرفة فقط.
أنا لا أعتقد أيضا أن التدخين هو قضاء وقت فراغ، لأن معظم المدخنين من معارفي يدخنون في أحلك أوقات عملهم، ولو كنت مدخنة فآخر ما سيمتعني في وقت فراغي أن أدخن كدا وخلاص، ليس وأنا أقرأ مثلا أو أتحدث أو أشاهد التليفزيون. لا أعتقد أن هناك من يدخن "كدا وخلاص"!، ولو كان هناك فهو شخص ممل جدا، ويجعل وقت فراغه أكثر مملا.

مصطفى محمد said...

fejar
malabei

أعتذر اليكم بشدة
فشل الاكسيبلورر بتاعي في فتح المواقع
ربما المواقع تقيلة
أو الاكسبلورر بتاعي كتيان

تحياتي

مصطفى محمد said...

ريهام

أولا .. سعدت مدونتي بزيارتك

ثانيا .. انا حطول في الرد .. فان كنت من سريعي الضيق .. فلك تحية مني .. وقشطة على كده

ثالثا .. (و بدأ الرغي) .. أنا ما جبتش سيرة موت كومبوليتلي .. بالعكس نووووهاااائي .. انا لا أزعم أن التدخين (بكافة أنواعه: شيشة ، سجاير ، جوزة ، معسل ، فواكه ، بايب ، سيجار ، حشيش ، بانجو ، ) يقتل .. ولا حتي قلت انه بيجيب سرطان .. ده مجرد يسرع .. و على فكرة مش ضروري أربع سجاير عشان يعيش لسن التمانين .. أبدا .. و برهاني القاطع هو وفاة شخصيتين مختلفتين متزامنتين لفتت نظري .. الأول : نجيب محفوظ .. الراجل مات و هو عنده أظن 92 سنة .. و هو مدخن منذ أن نما الي علمه وجود سجاير .. و مع ذلك مات من شئ تاني خااالص .. اتكعبل في بيته .. بنيانه ماستحملش .. هوب دخل المستشفي .. ثم توفاه الله .. الثاني : محمد عبدالوهاب .. لاعب كرة القدم .. مات بعديها أو قبليها بيوم أظن .. و هذا لاعب محترف في فريق قومي في الدرجة الأولي من الدوري .. أي لا غبار على صدره .. و مات .. قشطة يعني

رابعا .. أتفق معك بشدة .. الدخان بصفة عامة ليس ادمان جسدي .. و لو أن التعميم برضه مش مظبوط .. في ناس فعلا لو مهبدتش نفسها سيجارة الصباح راسها تنفجر .. و لكن هذه الدرجة لا تختلف عن ادمان فنجال القهوة أو ماج النسكافيه الصباحي .. أو كما قلت .. الموضوع شهوة

خامسا .. " الشيشة لا تنقل أي أمراض" .. يالهوووووي .. حضرتك ضد الدخان طبعا .. لكن اعذريني .. الشيشة لسيت كما وصفتيها .. الفلتر أو ما درج باسم "المبسم" هو بالفعل بلاستيكي .. و العصا الطويلة عند المصريين و القصيرة عند أهل الشام درجت باسم اللي (مع تشديد اللام و تسكين الياء) .. و اللي هذا يدخل في قلب الشيشة نفسها أي الجزء الزجاجي المصحوب بالجزء الاسطواني أعلاه الذي ينتصفه من جانب اللي و من الجانب الآخر بزبوز صغير يدعي الرفاس و هو صمام مغلق على الدوام (يستخدم خارج مصر -كالسعودية مثلا- لاخراج لي آخر) و ينتهي الجزء الاسطواني بالحجر الفخار المرصوص عليه المعسل و الذي ترص الولعة بدورها فوقه .. شوفي يا ستي .. القلب الذي يحوي الماء .. ده بيتغير بصفة يومية .. و ممكن يتغير من زبون لزبون .. ايزي .. الجزء الاسطواني لضيق قطره ينظف بأداة مخصصة من الخشب النحيل المدجج بالسلك (كسلك المواعين) ولكنه ينظف بصفة دورية .. كل أسبوع على أفضل تقدير .. لأن من المتعب أن تفكك الشيش كلها حتي الجزء الاسطواني ثم اعادة تركيبها .. بعكس المياه التي اذا نفخ في الرفاس خرجت و يتم اعادة ملؤها في ثوان .. الحجر الفخار بطبيعته هش .. أي بينجز و يكسر من نفسه كل فترة .. المعسل يأتي من بكوات معلبة غالبا من السلوم (صناعة مصرية و الحمد لله - بل و تصدر و بخاصة الي لبنان)و تغليفه يكفل اطمئنان نسبي للمشيش .. الولعة (لفظ مصري أصيل .. السودان تقول : النار ، الخليجيين يقولون : الجمر) ما هي الا فحم متوهج آخر حاجة .. و لا يوجد منها مصدر قلق فهي لا تلعب دور بتركيبتها هي فقط تلعب دورا بحرارتها أي الطاقة المنبعثة منها .. طيب لييييه انا قلت بتنقل أمراض .. بغض النظر عن اني كنت بشيش و ان اصدقائي للآن بيشيشوا و عندي أدلة حية .. الا أني أفضل تعليل جملتي و تفنيد جملتك بالشيشة ذات نفسها و ليس بشاربيها .. شوفي يا ستي للمرة الثانية .. لو واحد عنده فيروس بيتنقل بالنفس ، فمهما استحمي برضه نفسه حامل المرض .. هي دي الشيشة .. مياه القلب تتغير .. الجزء الاسطواني يتغير كل فترة .. الحجر يكسر .. مش مشكلة .. اللي عادة لا ينظف لمرونته و صعوبة تمرير حاجة تكشط أي خرا محشور جوه .. و لكن لكل قهوة اجتهادتها في المجال ده .. و أخيرا .. مظنش ان المبسم (الذي كان في البداية بربع جنيه ثم أصبح ببلاش) له لزمة تذكر الا لمنع الريق من التلامس .. انما هاتي أخينا حامل المرض المستحمي المتعطر النضيف فشخ و حطي المبسم في بقه و اتنفسي .. بل و شدي بقوة و اسحبي على صدرك .. اظن لو معييتيش يبقي انت سوبر ريهام

سادسا .. انا بالفعل عممت و هذا خطأ جسيم .. المدخنون ليسوا جميعا جماعة فاضيين .. و لكن فصيل كبير من المدخنين تعلموها عند الفراغ و لازمتهم عند العمل و الحياة .. و يكفي الجيش المصري شاهد على هذا .. في شباب بيلبسوا عساكر .. تلات سنين من الفراغ المدحق و الأوامر الغبية تارة و النتقامية تارة أخري .. فيكون من الطبيعي أن يتجه بعضهم للسجاير

سابعا .. هناك ناس فعلا بلا هوايات أو اتجاهات .. لا كورة ولا قراية ولا شطرنج ولا طاولة ولا سيرة الناس ولا أي حاجة .. هؤلاء هم من يدخنون كده و خلاص

ثامنا .. لو قريتي كل ده .. يبقي انا احسدك على صبرك

سلامات

Reham R. said...

أولا: الشرف ليا
ثانيا: أنا مبزهقش بسرعة
ثالثا: أيوة فعلا معاك حق انت مجبتش سيرة موت أنا اللي جبت. أنا بضيف يعني إن السجاير مبتموتش بالشكل البسيط ده، إضافة وليست ردا.
عن الأربع سجاير والتمانين سنة، في حسبة مش فكراها بالظبط عن معدل تدمير الدخان للرئة لحد الوفاة متعلقة بعامل الوزن وعدد السجاير في اليوم وبتدي رقم تقريبي لعدد سنين الحياة، معادلة طبية ممكن تدور عليها في أي كتاب أمراض جهاز تنفسي، مش فكراها بالظبط بصراحة.
رابعا: كويس اننا متفقين
خامسا: انت حضرت دكتوراة في الحكاية دي؟ بحسدك اخر حاجة والله على المعلومات دي. وهذا كلام حقيقي يخلو من أية سخريةز بحسدك فعلا، وشكرا على المعلومات، ومعاك فيها. بس أنا افترضت برضه -للتسرع- انك تقصد انتقال اللعاب، لأني سمعت كذا حد قال الموضوع ده فقلتله انه مبيحصلش، بس عادي حصل خير.
سادسا: وارد
سابعا: ليه لأ؟
ثامنا: الله أكبر!
:)))
طيبون

مصطفى محمد said...

أولا : برضه سعدت المدونة بيكي
ثانيا : يا بختك
ثالثا : مرسي على الاضافة
رابعا : كويس اننا متفقين
خامسا : ولا حسد و لا حاجة .. الموضوع كله كما يصفه المتشرد السافل الزاني يوميا المحشش أبدا الواثق في أتباعه بارهابهم صاحب القلب الميت و هو يقف في منتصف الشارع هاتفا بصوته المعروف "دي منطقتي" .. بس
سادسا : وارد و يحدث بكثافة
ثامنا : مازلت أحسدك على صبرك

و برضه سلامات

نظافة مثالية said...

نقدم لكم خدمات شركة المثالي جروب بالجبيل من خلال شركة تنظيف منازل بالجبيل والتي تعد الشركة الاولي بالجبيل التي تستطيع خدمة عملائها بافضل واحدث الامكانيات وتوفير جميع خدمات النظافة الشاملة للمنازل والشقق والفلل والبيوت والقصور والمجالس والكنب والسجاد والموكيت وغيرها من خدمات التنظيف الاخري فتعد شركة تنظيف بالجبيل حقا افضل شركة تنظيف بالجبيل حيث تستطيع ان توفر لعملائها النظافة الشاملة باعلي جودة ممكنة وبارخص الاسعار المثالية التي لا تتوفر الا مع شركة المثالي جروب للتنظيف , تخصصت شركة المثالي جروب للتنظيف بالجبيل في تقديم جميع خدمات التنظيف فلدينا شركة تنظيف مجالس بالجبيل والتي تقدم خدمات تنظيف المجالس والكنب والمفروشات والستائر والسجاد والموكيت بافضل الاجهزة فلدينا خدمة تنظيف المجالس بالبخار والتي تعطي جودة وكفاءة مثالية لا تتوفر الا مع شركة تنظيف بالجبيل ايضا توفر الشركة خدمة تنظيف الشقق من خلال شركة تنظيف شقق بالجبيل والتي تستعين في تنفيز خدماتها بامهر العمالة المتخصصة ذات الكفاءة العالية والخبرة الكبيرة بمجالات التظيف منذ عشرات السنوات حيث تعتمد شركة تنظيف منازل بالجبيل علي خبرة 24 عاما في هذا المجال جعلتها تتفوق دائما علي غيرها من شركات التنظيف بالجبيل وتصبح افضل شركة تنظيف فلل بالجبيل لديها الامكانيات والقدرات والعمالة والادوات والخبرة وبذلك نضمن لعملائنا بالجبيل افضل جودة ودقة مثالية بارخص الاسعار فلدينا ارخص شركة تنظيف بالجبيل كل هذه الخدمات تقدمها شركة المثالي جروب للخدمات المنزلية وايضا لن تغفل الخدمات الاخري للنظافة بالجبيل بل اعدت جميع فروعها وتخصصت من اجل خدمة عملائها والحصول علي ثقتهم الكبيرة فلدينا

شركة تنظيف منازل بالجبيل
شركة تنظيف خزانات بالجبيل
شركة تنظيف مسابح بالجبيل

نظافة مثالية said...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر

نظافة مثالية said...

تقدم شركة المثالي جروب للنظافة العامة احدي خدماتها المتميزة بمحافظة القطيف والتي يبحث عنها الكثير من اهالي محافظة القطيف الا وهي شركة تنظيف منازل بالقطيف والتي تقدم خدمات تنظيف المنازل - تنظيفالشقق - تنظيف الفلل -تنظيف المجالس - تنظيف البيوت - تنظيف الخزانات -تنظيف المسابح والتي من خلاللها تستطيع شركة المثالي جروب لخدمات التنظيف تقديم افضل خدمات النظافة العامة بمحافظة القطيف بالاعتماد علي كافة الاسليب الحديثة والعمالة الماهرة فمع شركة تنظيف منازل بالقطيف انتم دائما في امان فلدينا

شركة تنظيف منازل بالقطيف
شركة تنظيف بالقطيف
شركة تنظيف مجالس بالقطيف
شركة تنظيف شقق بالقطيف
شركة تنظيف فلل بالقطيف