التورط في الفتاوي
أمر لا يعرفه
الا من غاص فيه
كانت هذه مقدمة قصيرة
للفلانتين في عين الفتاوي
*
بات من الواضح
أن الزمن
انما يلعب دور ملموس و جبار
في ابعاد الناس عن بعضها
لا للعزلة
و ليس من أجل الخلافات
و ليس من قبيل الظلم
ولكنها
عملية انتقائية
غير مقصودة عند الكثير من الناس
بل و مغلفة في حسرة
علاقات كثيرة تتبدد مع الوقت
بنفس النسبة التي تنمو أخري
مع مفاوتات في الود
ايييييييه
دنيا
*
الحب
اذا ما نحينا غرام الولد مع البنت و العكس
شعور داااااااافع
شعور...ككرت الشحن
بعد أعوام من كلمني شكرا
*
على فكرة
يلعب البعد دور رئيسي
*
من المفيد و الصحي
أن يجتمع الناس كلها على فكرة واحدة
واحدة و بس
كفرحة فوز المنتخب
من نزل الي الشارع
أي شارع
(مع مراعاة اختلاف جوهري بين الشارع و الميدان)
وجد حشد من البشر المتكدسين
كوووولهم .. أتوا لفكرة واحدة
*
الفالنتين متشابه الي حد كبير
مع فرحة فوز المنتخب
الناس كلها
ولنكن أدق
الشباب المصاحبين و المصاحبات
المخطوبين و المخطوبات
المتزوجين و المتزوجات
حتي أهل الحب من طرف واحد
اقتحموا محلات الهدايا
و جاء هذا العملاق الخفي على الدوام
و سكب برميل ضعفي طوله على هؤلاء
برميل من اللون الأحمر
و انتعشت تجارة الورود
و ازدهرت الأمخاخ في انتاج هيئات جديدة في التغليف
و خفتت الأصوات
و بدأت حرب النحنحة الكبري
*
أصل الفانتين
في الواقع
مالحقتش أدور عن أصل الموضوع
لكن
مفيش أي مانع بجد
في ان الواحد مننا
وهو مسحول في خراه اليومي
أن
(زي ما انا عملت بتحريض من تدوينة مروة الزارع)
يهبط الي الكشك الذي يرتاح اليه
و يشتري الكارت اللي علي أد جيبه
و هوب
ألو
ألو
ألو
وحشتني يا مان
وحشتني يا باشا
فينك و فين أيامك
ياااااااااااه .. انت خطبت؟
*505*
ثم زفرة الراحة
*
طبعا
وصل هذا الكلام الي أعينكم متأخر
مش مشكلة
الفالنتين الجاي ان شاء الله
*
اللهم ارزقنا حبك
و حب نبيك
و حب الصالح من العمل
12 comments:
مصطفي
ازيك
بجد يا مصطفي كلام في الجول صحيح
مافيش مشكله ان الواحد في عز سحلته يجي يوم ولا مناسبه تحاول تخرجه من سحلته في الخرا اليومي
صراحه لا أجد سببا يدعو من يفتون لهذا التشنج وهذه العصبيه
يلا المهم أهو اليوم خلص وانت عملت الموضوع متأخر، أقابلك بقي في الفلانتين اللي جاي
كل سنه وانت طيب يا درش
:)
تحياتي لك
مادو
اولا : مفيش مشكلة ابدا .. خصوصا لو تزامن مع شوية اشتياق للناس
ثانيا : لا هو في سبب للتشنج و العصبية في الواقع .. ممن يفتون بحرمانية هذا اليوم تكون أعينهم مسلطة على مناسبات عدة اسلامية لم تحظي بمثل هذا الانتشار و الاقبال .. او عدد من الذكري لم يحتشد من اجلها الناس .. و ممن يفتون بحرمانية اليوم يردونه الي انه بدعة .. و البدعة بداية السلسلة الأشهر من الالفاظ التي تقود الي النار .. و ممن يفتون بحرمانية هذا اليوم يرجعونه الي اول من احتفل به او اخترعه وهو كافر لذا وجب عدم اتباعه .. و ممن يمتنعون عن الاحتفال في هذا اليوم من يغارون على الدين بصورة لا تتوقف لتأمل معطيات الزمن الحالي .. و ممن يخافون الاحتفال فيه و يروجون لحرمانيته عن طيب خاطر هم الذين يشعرون انهم مقصرون في دينهم و وقر لديهم ان بما يصنعون يكفرون عن تقصيرهم .. بس
كل سنة و انت طيب يا معلم
سلام
هو كل اللى مدايقهم كلمة فالنتين دى :)
ومش عارفه بيقولوا القديس ايه ومش عارفه ايه:)
فنريحهم وبلاش نجيب سيرة عمو فالنتين :))
ونقول يوم الحب بدل كلمة عيد بردو عشان ميتشنجوش:)
كل سنه وانت طيييب يامصطفى
:)
هو انا صراحة مش من محبذي فكرة عيد الحب دي
اصل كلها تكاليف وهدايا ووجع جيب
بس اعذرني ان قلت ان الفتوى صحيحة
واحنا اللي بنجاهد نفسنا او بنتلكك عشان نلاقي يوم نفرح ونسعد فيه
لعلمك البني آدمه اللي بتكتب دلوقتي كح كح ايون ااقصدني انا
احتفلت بالفلانتين بس في نيتي وفي اعتقادي من جوه على على خطأ
وربنا يرزقنا اتباع الخير والصواب
ويفرح قلوبنا دايما مش في يوم واحد وبس
تحياتي وتقديري
اختك موءة
نوسة
وانتي طيبة
و فكرتك صائبة دون شك
و قنا ربنا شر التشنج
سلام
العنقاء
اولا : فتوي ايه اللي صحيحة؟
ثانيا : على افتراض ان اليوم ده في حرمانية .. فأحب أقولك ان الغلط مفيش اسهل منه .. وصولا اليه و تطبيقا له .. يبقي ازاي الغلط في مجاهدة نفس؟
ثالثا : كح كح
رابعا : آمين
سلام
عزيزي مصطفي
الحب صدقني يامصطفي مفروض يكون موجود كل يوم
بستغرب فعلا من الفتاوي اللي عماله تنزل و يقوله عيد الحب حرام يعني بيجوافي المواضيع اللي بتدخل بهجه علي الناس و يقولك حرام
زي قريت ان موضوع خطبه الجمعه في مسجد من امساجد كان عن فوز المنتخب بكأس الأمم الأفريقيه
شوفت بق وصلنا لفين
عيد الحب حرام لن موضوع الخطب يكونعن فوز المنتخب
تحياتي ليك و ربنا يجعل كل ايامك فلانتين
الاجندة الحمرا
اولا : الحب بين القريبين من بعض المفروض يكون كل يوم .. و بالنسبة للبعيدين عن بعض فيوم زي عيد الحب حيظبطهم
ثانيا : يا ستي .. عااادي .. فتاوي آخر زمن .. بس احب الفت النظر لحاجة مهممممممة .. احنا لما يكون عندنا مريض و دوا و مستشفي و دكاترة .. و ييجي واحد عيان .. نرميه من الشباك و لا نطبطب عليه و نقوله خد يا حبيبي الدوا .. ظاهرة الفتاوي كده .. العلماء الاجلاء الافاضل ورثة الانبياء افتوا كام ألف فتوي غلط .. مش مشكلة .. مش نكرهم .. نكره الغلط .. متفقين
ثالثا : الكلام مش واضح في موضوع الخطبة .. ممكن توضحيه
تحياتي ليكي
و ربنا يجعل ايامنا كلها فل
اشكرك على زيارتك
جنة
و بدوري .. أشكرك على زيارتك
سلام
Look here
malabei
نعم ؟
Post a Comment